Leiminin mi pahnih chhilh hlum

Nimin chawhma dar 10 vel khan Railways Ministry hnuaia RL Construction Pvt. Ltd. hnathawk hnam dang pahnih chu leiminin a chhilh hlum.

Vanglaini thu dawn danin, Bairabi leh Sairang inkar rél kawng siam meka Kawnpui rél chawlhhmun tur bulah nimin khan Hitachi excavator hmang­in ko laih a ni a, siam rem ngaite mihring thâ hmanga siam rem a nih laiin lei a min a, hna thawk mek Dipak Datta (27) s/o Sankar Datta leh Durga Prasad Passi (53) s/o Baydyanath Passi, Nagoan district, Assam ve ve chu leimin hian chhilhin, an nunna chhan hman a ni lo.

Dipak Datta leh SDurga Prasad Passi-te ruang hi Kawnpui CHC-a postmortem a nih hnuah an khuaah thawn a ni.