RTI chhannaah hmaih palh nei

23rd November, 2023

Mizoram State Health Care Society (MSHCS) hnuaia state assistant public information officer (SAPIO) Lalzirtira chuan tunhnaia Vanglaini-in RTI hmanga an zawhna an chhannaah tih hmaih palh an neih thu a sawi.

Lalzirtira sawi danin, MSHCS-in sorkar aṭanga bill pek tur pawisa a dawn zat chungchang an tarlanah, MSHCS sum dawn tawh zat (financial year 2023-24)-ah hian Finance department aṭangin September 22, 2023 khan cheng nuai 1,500 an dawng a, hei hi RTI hmanga zawhna an chhannaah an lo telh hmaih palh a ni.

Sorkar kum kal mek 2023-24 chhunga MSHCS-in sum a dawn zat belhkhawm chu Rs 32,00,00,000 ni loin, Rs 47,00,00,000 zawk a nih thu a tarlang.