College-ah anti-drug club din rêl

Aizawl District Nasha Mukt Bharat Abhiyaan hnuaia Sub-Committee on Drug Prevention in Schools and Colleges chu nimin khan bawrhsap Nazuk Kumar kaihhruaiin DC conference hall-ah an ṭhukhawm a; college hrang hrangah zirtirtute kaihhruaina hnuaiah anti-drug club din an rêl.

Ṭhutkhawmah hian hmalakna leh hmachhawpte bakah, college zirlaite aṭangin master volunteer-te ruat a, training neihpui an nih hnuah an rualpui ṭhalai/zirlaite zingah ruihhlo ṭhat lohzia leh a invenna an zirtir dan turte sawiho a ni a; college hrang hrangah zirtirtute kaihhruaina hnuaiah anti-drug club din an rêl a ni.

Meeting-ah hian Higher & Technical department aiawhte leh college hrang hrang principal leh an aiawhte an tel.