MCS (Combined Competitive) Interview turin mi 70 an tling
Mizoram Public Service Commission (MPSC) chuan nimin khan Mizoram Civil Services (Combined Com-petitive) Main Examination 2023 result a tichhuak a, personal interview hma-chhawn turin mi 70 an tling.
MCS (Combined Competitive) Main Examination hmachhawn tur hian mi 325 an tlin laiin, August 3-8, 2023 chhunga main exam-ah mi 309 an inlan a, exam zo erawh mi 292 chiah an ni. Rualbanlote tana hauh bik atan interview turin mi 10 an tling a, hauh bik awm loah mi 60 tlingin, interview tura tling zawng zawng chu mi 70 an ni.
Personal interview tura tlingte hi December 4, 2023-ah medical examination tihpui an ni ang a, December 8-15, 2023 chhungin interview a ni ang.
Tun ṭum MCS (Combined Competitive)-ah hian Mizoram Civil Service 10, Mizoram Police Service pariat, Mizoram Finance and Accounts Service 10 leh Mizoram Information Service panga lak a ni dawn a; MCS, MFAS leh MIS-a post pakhat ṭheuh chu rualbanlote tan hauh (reserve) a ni.