MSSA-in inkhawmpui an hmang

Mizoram Secretariat Service Association (MSSA) chuan nimin khan Tourist Lodge, Chaltlangah General Conference vawi 18-na an hmang a, chief secretary Dr Renu Sharma-i'n a hmanpui.

Dr Renu Sharma chuan, sorkar kal zelna turah MSSA member-te an pawimawh tih sawiin, "Sorkar inrêlbàwlna ṭha a awm theih nana in thâ leh zung in thawh tawhna a lawmawm. Sorkar inrêlbawlnaah mawhphurhna hrang hrang, a bik takin office procedure, finance leh administration lama in hnathawhte a chhinchhiahtlak hle a ni," a ti a, an hmazawna tih tur awmte rilru zawng zawnga thawk turin a chah.

Mi dangte dawr thiamna chungchangah hmasawn zel tum tura chahin Renu Sharma chuan, "Kan hnathawhsak mipui rawngbawlnaah leh mi dang biangbiaknaah hmasawn tum zel u la, MSSA moto 'Mi dangte tana rawngbawl (service to others)' a nih angin tu mah kal kân loin rualkhai taka hmasawnna a awm zel theih nan theihtawp chhuah ang che u," a ti.

MSSA hnuaiah hian sanction post 259 a awm a, officer 258 an awm mek a ni.