Ni khat awh MADC session

Mara Autonomous District Council,(MADC) thlasik ṭhutkhawm ni khat awh chu nimin chawhma dar 10:30 khan MADC Session Hall-ah neih a ni.

Session hi MADC chiarman N Viakhu-in a kaihruai a, New Siaha East-I by election-a thlan tlin Nelson Khenglawt chu lawmluh niin, Mara rama missionary hnuhnung ber November 13, 2023 a thi Rev.Violet Louise Anne Mark sunna hun hman a ni.

Chairman-in Violet-i chanchin chhiar­chhuahna a neih hnuah BJP aṭangin Nahlo Solo leh HC Lalmalsawma Zasai, Congress aṭangin H Malvin leh BJP aṭangin N Zakhai, MH Tiabi leh Beirahmo Syuhly-te'n uina thu an sawi.

Session-ah hian official rules pahnih 'The Mara Autonomous District Council ( Fisheries Department Group A, B & C) Recruitment Rules 2023' leh The Mara Autonomous District Council ( Environment & Forest Fisheries Department Group B & C) Recruitment Rules, , 2023' pawm a ni.