Capping & Lamp Lighting hun hmang

School of Nursing, Thingdawl chuan nimin khan an auditorium-ah General Nursing & Midwifery (GNM) batch sarihna zirlaite lukhum khumtirna leh khawnvar chhia thutiam tirna, Capping and Lamp Lighting Ceremony leh 4th batch zirlai hnenah certificate hlanna hun an hmang.

Capping & Lamp Lighting inkhawmah hian batch sarihnaa zirlai 20-te'n bati chhiin thu an tiam a, nurse lukhum khumtir an ni. Thingdawl Nursing School-ah hian batch tinah zirlai 20 zel an awm a; principal pakhat, tutor paruk, non-teaching staff pakua leh zirlai 60 an awm mek a ni.

Khuallian Dr Vanlalsawma, Nursing director chuan, damlo enkawltute'n damlote tana an tih theih sang ber chu ṭawngká leh chêtziaa hmangaihna lantir a nih thu a sawi a, "Damlote rilru taka hmangaih leh duhsak a pawimawh. Nurse-te chu damlote nena innghêng hnai ber an nih angin damlote enkawlna an kutah a innghat thûk hle a ni," a ti.

Inkhawmah hian Mizoram Nursing Council Examination 2023-a first year topper Lalremruati hnenah Pu Lalchhunga (L) Memorial Award hlan a ni a; second year zirlai pahnih leh final year zir chhuak pahnih hnenah chawimawina (merit prize) hlan a ni bawk.