Thlawhtheihna chuan man to lutukah hma la turin Union Secretary ngen

Tourism minister Robert Romawia Royte chuan nimin khan Union Civil Avia-tion secretary Vunlunmang Vualmam chu a pisaah a hmu a, Lengpui Airport aṭanga thlawhtheihna chuan man to lutuk chu tih-hniam a nih theih nan hma la turin a ngen.

Robert Romawia Royte chuan, Kolkata-Aizawl leh Aizawl-Guwahati thlawhtheihna chuan man a to uchuak hle tih sawiin, "Kolkata-Aizawl ticket man Rs 4,500-5,000 ni ṭhin kha tun hnaiah Rs 14,000-15,000 a ni ta. Hei hi Zoram mipui tawrhna a nih piah lamah airline-te'n mipui an zah lohzia tilangtu a ni. Endika tihhniam a nih vat theih nan hmalak a ṭul," a ti a; Mizorama thlawk turin airline tam zawk mamawh a nih thu a sawi.

Mizoramah helicopter service indaih lohna a nasat thu sawiin Robert Romawia chuan, helicopter thar ṭha Mizoram tana ruahmanpui turin Union Civil Aviation Secretary a ngen bawk.