Mizoram sorkarin state páwnah empanelled hospital 38 a nei

Mizoram sorkar chuan a khua leh tuite an dam loha Mizoram páwn damdawi-ina thawnna tur leh inenkawlna senso hmuh lêt theihna tur damdawi-in thawhpui (empanelled hospital) 38 a nei.

Mizoram sorkar hnathawkte leh an chhungte bakah, sorkar hnathawk ni lo, Mizoram State Health Care Society-a inziak lut te, Mizoram sorkar doctor (medical board)-te'n inenkawl tura an tirh (refer)-te chu Mizoram sorkar thawhpui damdawi-ina an inenkawl chuan an sensote sorkar aṭangin an hmu lêt thei a; empanelled hospital ni loa inenkawlte tan senso hmuh lêt theih a ni lo.

Mizoram sorkarin state pawna damdawi-in a thawhpui 38 zingah hian Kolkata-a mi tam berin, damdawi-in 13 a awm a, a dawttu Guwahati-ah damdawi-in 10 a thawhpui bawk.