MPCC PAC-in inthlan an thlir lêt

Mizoram Pradesh Congress Committee (MPCC) hnuaia Political Affairs Committee (PAC) chu nimin khan MPCC president Lalsawta kaihhruaiin an ṭhukhawm a; Mizoram Assembly inthlanpui chungchang an sawiho.

MPCC PAC ṭhutkhawmah hian, Mizoram inthlanah mipuiin India rama sakhaw zalenna humhim an duhzia an tilang chiang hleah an ngaih thu leh BJP leh an thawhpuite an duh lohzia an lantir chiang hlea an ngaih thu an tarlang.

MPCC thuchhuah chuan, BJP nena thawhho chu Mizoram mipuite kalha chetnaa an ngaih thu a tarlang a, "Congress leh INDIA alliance chuan secularism leh remna leh muanna humhim a nih zel nan BJP-te chu an do zui zel dawn a ni," a ti.

Ṭhutkhawmah hian MPCC President AICC general secretary Bhakta Charan Das leh senior observer Sachin Rao te pawh an tel a ni.