Myanmar-a buaina vangin Siaha district-ah tlânchhia

Myanmar rama ṭangrual sipai leh Myanmar sipaite inkah vangin mi eng emaw zat chu Siaha district khaw hrang hrangah an tlanchhia.

Vanglaini thu dawn danin, Myanmar aṭang hian Siaha district-ah November 20, 2023 aṭang khan an sahimna zawngin an tlanchhe ṭan a, mi 90 chuang chu Mizoramah an lut tawh a, ramri hnaih khuaahte an awm hlawm.

Ráltlân ṭhenkhat chuan Myanmar thlawhnain bomb a thlâk avangin an chenna in an hloh thu an sawi a; ṭhenkhat chuan an sahimna zawnga tlanchhia an nih thu an sawi thung.

Ráltlân lut an awm belh zel avangin mi engzat chiah nge Siaha district-ah lut tawh tih hriat chian theih a ni rih lo.