Pawl 6-in thisen unit 174 an pe

November 25, Inrinni khan Mizorama blood centre hrang hrangah pawl parukin thisen pek an huaihawt a, thisen unit 174 an pe.

KṬP, Ramthar Veng Pastor Bial, Aizawl chuan ZMC tan thisen unit 79 an pe a, petute mipa 60 leh hmeichhia 19 an ni a; KṬP, Hunthar Veng Branch pawhin an branch din champha pualin an kohhran hall-ah thisen an pe a, Synod Hospital tan unit 26 pein, petute mipa 23 leh hmeichhia pathum an ni.

YMA, Bethlehem Vengthlang Branch-in an YMA Hall-ah Civil Hospital, Aizawl tan unit 37 an pe a, petute mipa 23 leh hmeichhia 14 an ni. Adventist Youth Federation, Lunglei North ten Lunglei Civil Hospital blood bank-ah unit 12 an pe. Serchhip District Hospital blood bank tan Serchhip Chanmari Branch YMA Taitesena Section-in unit 8 an pe a; 1 Mizo Bn. NCC chuan an din champha pualin Civil Hospital Aizawl, Champhai District Hospital leh Serchhip District Hospital-ah tinsen unit 58 an pe bawk.