Rural homestay cabin pali hawng

Sorkar laipuia Ministry of Panchayati Raj hnuaia Rashtriya Gram Swaraj Abhiyan (RGSA) kaltlanga Tuipui-D leh Darzo inkara Rural Homestay and Agro Tourism atana in (cabin) pali sak thar chu November 25, Inrinni khan Local Administration department director Rita Lalnunmawii Pachuau-in a hawng.

Rita Lalnunmawii Pachuau chuan, homestay inte chu RGSA aṭanga LAD-in sum a hmuh Rs 84,00,000 hmanga sak a nih thu a sawi a, "A changtu LAD chuan hma kan la a, Tuipui-D ah mikhual thlen/riahna tur nuam leh ṭha em em homestay cabin pali sak puitlin a ni ta hi a lawmawm hle a ni," a ti.

Homestay cabin hawnna inkhawmah hian LAD joint director Lalchawimawia te, Darzo leh Tuipui-D VC member-te an tel a ni.