MFM leh Japan university-in MoU ziak

Mission Foundation Movement (MFM) leh Japan rama Kobe International University (St. Michael's University) chuan November 24, 2023 khan Japan rama Kobe khawpuiah thawhhona thuthlung an ziak.

Thawhhona thuthlungah hian MFM director R Vanlalzauva leh MFM School of Nursing principal Christina Zothanpuii ten hming an ziak a; Kobe International University aiawhin Board of Trustee chairman The Revd Basil Sataru Yashiro leh Prof. Shigenori ten hming an ziak a ni.

Thu dawn danin, thawhhona hnuaiah hian Mizo, nurse zir zo tawhte'n Japan ramah hna (caregiver) an thawk thei dawn a, JICA hnuaia Social Welfare Cooperation Hounonkai leh Kobe International University-a mithiamte'n hna an thawhna tur atana thil pawimawhte an zirtir dawn a ni.

Nurse-te tan Durtlanga MFM School of Nursing-ah Japanese ṭawng zirna kalpui mek a ni a, ṭha taka pass chhuakte chu interview neihpui tur niin, interview-a tlingte Japan rama an kalna tura thlawhtheihna ticket, an awmna tur leh an hnathawhna turte chu Japan lam hian an buaipui dawn bakah, Tay Do Vietnam an sign pui bawk ang.