Vote chhiar hun atan inbuatsaih

Lunglei district election officer Ramdinliani kaihhruaiin November 25, Inrinni khan DC conference hall-ah Lunglei district-a Assembly bial paruka returning officer leh assistant returning officer-te pualin vote chhiar nía ENCORE hnuaia inthlan result dah dan tur zirna buatsaih a ni. Vote chhiarnaa duty turte awmna hmun tur thliar a ni bawk.

Training-ah hian returning officer leh assistant returning officer-te chu ENCORE IT team-te'n electronically transmitted postal ballot system leh enabling communication on real-time envinronment chungchang an hrilhfiah a; vote chhiar ní hian constituency pakhatah IT team member pahnih zel an ṭhu dawn.

MLA inthlanpuia vote tlate chhiarnaa duty turte awmna tur thliar vawi khatna neih nghal a ni a; counting supervisor mi 57, counting assistant mi 57 leh micro observer mi 57-te awmna hmun tur thliar a ni.

Lunglei district MLA bial paruka vote tlate chu Saikuti Hall-ah chhiar a ni dawn a, counting room paruk siam niin, round li-ah chhiar zawh tura ruahman a ni.