Zangnadawmna-a lungawi lote zualkona a hmunah enfiah a ni

Lunglei leh Tlabung inkar national highway-302 laihzauh hna thawh meka zangnadawmna an dawn zata lungawi lote zualkona chhan chu tunhnai khan a hmunah enfiah a ni.

NH-302 sial zauh leh laih ṭhat hna thawh mekah kawngpuiin a sutchhiat dawn vanga an in leh lo chântute hnenah zangnadawmna an dawn tur ang ang pek kim thawkhat a ni tawh a, hetihlai hian zangnadawmna an dawn tur zat an hmu lo nia in ngaiin chhungkaw 32-te chu sorkarin arbitrator tura a ruat hnenah an zualko.

Heivang hian NHIDCL hotute chuan pawisa an dawn tur zat dawng phak loa inngaite zualkona hi a hmunah enfiahin, Tlabung khawchhunga chhungkaw 32-te hi kawng sial a nih dawn vanga an ram chân tur an teh ṭhatsak leh.

NHIDCL lam chuan an tih tur leh bawhzui theih ang ang chu an zofel tih sawiin, an thil neih hlutzawng an chhût mila zângnadawmna an pekchhuah danah fel lo a awm lo niin an sawi a, an ram hlutna bik chhût a nih danah erawh an lungawi lo a nih chuan an la zualko leh theih thu leh chumi chinfel erawh Mizoram sorkar mawhphurhna a nih tawh tur thu an sawi bawk.