Constitution Day hman a ni

November 26, Pa­thian­ni kha Constitution Day a ni a; Pathianni a nih avangin nimin khan Aizawl leh district khawpui dangah hman niin, Indian Constitution-a Preamble sawi rual a ni.

Constitution Day hi Aizawlah chuan Secretariat tualah hman a ni a, chief secretary mawhphurhna la mektu Navin Kumar Chaudhary-in a kaihruai a, Secretariat-a sorkar hnathawkte an tel.

Kum 2015 khan prime minister Narendra Modi chuan Dr BR Ambedkar lim a hawnnaah kum tin Constitution Day hman tur a nih thu a puang. Constitution Day-ah hian khua leh tuite chu India danpui chungchanga inzirtirna nei ṭhin tur leh danpui siamtute zahna lantir ṭhin tura beisei an ni.

Indian Constitution hi November 26, 1949 khan Constituent Assembly chuan a pawm a, chu chu Constitution Day atan hman a ni. Kumina Constitution Day thupui chu 'India: The Mother of Democracy' tih a ni.