Inthlanpui sawihona leh zirhona hun hman a ni

Govt. Aizawl College-a Political Science depart­ment chuan nimin khan Mualpuia an college hall-ah Mizoram Legislative Assembly inthlanpui neih tâk chungchang sawihona leh zirhona an buatsaih.

'Seminar on 2023 Mizoram Legislative Assembly Elections' hawnna inkhawm hi GAC Political Science head of department Ṭhuamliani Renthlei-in a kaihruai a, vice principal Dr Lalsangzuala Khiangte-in seminar buatsaih dan a sawi.

Chawhma lamah GAC Political Science associate professor Dr Lalmalsawma Khiangte kaih­hruaiin college hrang hrang leh Mizoram University-a mithiamte'n inthlanpui neih zawh taka political party hrang hrangte dinhmun leh vote tlak dante an sawifiah a; chawhnuah GAC asso­ciate professor H Ram­dinpuia kaihhruaiin mithiamte'n Mizoram inthlanpui kaihhnawih thupui hrang hrang an sawi leh bawk.

Sawihona hun hman a ni a, thupui hrang hrangte chu sawiho a ni. Political party mi leh sa te, kumin MLA inthlanpuia candidate ṭhenkhat te, chanchinbumite leh college zirtirtute an tel a ni.