Kolasib khawpui chei dan tur rél

Kolasib bawrhsap John LT Sanga hoin nimin khan DC conference hall-ah sorkar hotute leh khawtlang hruaitute'n kumin Krismas leh 2024 kum thar vuakveta Kolasib khawpuia kâwn leh khawlai hmun remchang lai incheisiak buatsaih dan tur an ngaihtuah.

John LT Sanga chuan, Krismas leh kum thar vuakveta in leh khawlai chei chu hunpui boruak siamtu pakhat a nih thu a sawi a, "Kuminah hian Kolasib khawpuia veng hrang hranga kâwn leh hmun remchang laite chu VC-te kaihhruaina hnuaiah chei leh tura ruahman a ni. DC Bangla pawh kum dang aia uara chei tum a ni a, Krismas leh kum thar vuakvetah a duh tan tlawhna hun siam a ni dawn," a ti.

Kolasib khawpuia khawlai chei endik turin ZOOM Kolasib ruat an ni a, sub-deputy commissioner Dr Lalramdintluanga a kaihhruai dawn a ni.