Project-50 kalpui ṭha lawmman hlân

ZPM Zonu chuan Mizoram inthlanpui vuakvêta 'Project 50' an kalpuia ti ṭhate hnenah nimin khan ZPM pisaah lawmman an hlan a, ZPM party hruaitute'n an president Lalliansawta hoin an hmanpui.

Inkhawm kaihruaitu, ZPM Zonu president R Lalawmpuii chuan, Project-50 chu September 7, 2023-ah Sakawrtuichhûnah hawn a nih thu sawiin, "Project 50-in a tum ber chu September 7, 2023 aṭangin Inrinni leh Pathianni chhiar tel loin ni 42 chhunga Aizawla ZPM Zonu unit tinte'n ZPM member thar hlak mi 50 aia tlem lo hmuh an tumna project a ni," a ti.

R Lalawmpuii chuan, Project-50 chu chu Mizoram inthlanpui neih zawh takah a ṭangkai hle thu sawiin, "Politics-a inhmang ngai lo hmeichhe tam tak khawrh chhuahna hmanraw ṭha tak a ni," a ti a; Zonute thawhrimna leh inpêkna ropui a tih thu leh, Project-50 lawmman tumtu K Sapdanga, ZPM working president chungah an lawm thu a sawi bawk.

Inkhawmah hian ZPM president Lalliansawta, leader Lalduhoma, working president K Sapdanga leh vice president Kenneth Chawngliana te pawhin thu an sawi a; Project 50-a ti ṭha zual ZPM Zonu unit pathum hnenah lawmman hlan a ni.