YMA, Leitan Ramthar branch a ding

YMA, Durtlang Leitan Branch aṭangin nimin khan Leitan Ramthar Branch an indang a, Central YMA vice president Prof. Lalnun­tluanga hoin indanna inkhawm hman a ni.

Leitan Ramthar Branch nen hian YMA branch 820 a awm ta a, Aizawl khawpui chhung bikah branch 109 an awm a ni.

CYMA vice president Lalnuntluanga chuan, YMA chu pawl thianghlim, mi zawng zawng huap a ni tih sawiin, "Kohhran leh party thlei bik a nei lo a, mi hausa leh retheite ang khatin an leng vek. YMA hi pressure group kan ni lo a, sorkar nawr chiam tur kan ni lo a, zâwldawh taka hma la tur kan ni," a ti.