Hnam dang thlavâng hauh an awm ṭhin MZP-in pawi ti

MZP Executive Committee nimina an pisaa ṭhukhawm chuan, Mizo mipui zinga hnam dang thlavâng hauh an awm ṭhin chu pawi an tih thu an tarlang.

MZP chuan, ram leh hnam him zawk nan hnam dang, dan loa Mizorama eizawngte dap chhuah kawngah nasa takin hma an la ṭhin tih tarlangin, "Hetiang hunah hian ram hruaitu leh mi pawimawh zingah hnam dang thlavâng hauh an awm ṭhin hi pawi kan ti a, kan dem tak zet," an ti.

An hmalaknate chu Mizo ram leh hnam him zawk nan a ni tih hriaa thláwp zel tura mipui sáwmin MZP chuan, ram hruaitu hnam dang thlavâng hauh chíng an awm chuan an hming an puangzar hreh dawn lo tih an tarlang.

MZP chuan, December 13, 2023-ah NIELIT, Aizawl nen Aijal Club Park-ah Job Fair leh Nationalism & Career Awareness Campaign neih an rêl a ni.