Táng hmeichhia pathum Jail aṭangin an tlân chhuak

Nimin zing khawvar hma, dar 1-2 inkar khan Womens Central Jail, Aizawl aṭangin mi pathum an tlân chhuak a, nimin tlai thleng khan zawn mek an ni.

Vanglaini thu dawn danin, jail aṭanga tlan chhuakte chu Lalchhanmawii, Tuirial, Lalruatsangi, Ṭhuampui leh Niengboi, Churanchanpur, Manipur-te an ni a; NDPS Act kaihhnawiha man vek an ni. Tlân chhuak tur hian blanket leh puan suih zawmin jail bangah an báng liam a, an uai chhuak a ni.