MPCC-in chhungkaw retheite Rs. 10,000 ṭheuh pek an phût

Mizoram Pradesh Cong­ress Committee (MPCC) president Lal Thanhawla chuan, Mizorama chhung­kaw rethei zualte hnenah Rs. 10,000 ṭheuh pe turin sorkar laipui an phut thu a sawi.

Lal Thanhawla chuan nimin khan social media kaltlangin thuchah a ti­chhuak a, "Tun hun harsa takah hian kan party chuan chhungkaw retheite hnenah Rs. 10,000 rang taka pek kan phût. Chu bakah, sumdawnna lian tham lote pawh loan ni loin, pawisaa puih kan phût a ni," a ti.

State dang leh ram danga hna thawka awmte a thlàwna Mizorama hruai haw an phût thu sawiin Congress party President chuan, "MGNREGA hnuaia inhlawh ṭhinte inhlawhna hun siam ni se kan duh," a ti a; MGNREGA hnuaiah hian kum khatah ni 200 tal inhlawhna siam ni se an duh thu a sawi a ni.