Swab sample 27,643 endik tawh

Nimin tlai dar 5 thleng khan Mizoram aṭangin swab sample 27,643 endik a ni tawh a, chu'ng aṭang chuan hripui vei mi 792 hmuh chhuah tawh niin, chu chu 2.87% a ni.

Mizoram aṭanga swab sample endik tawh dan chu - National Institute of Cholera and Enteric Diseases (NICED), Kolkata-ah panga, Guwahati Medical College-ah 12, Silchar Medical College-ah 41, Zoram Medical College-ah 22,191, Lunglei Civil Hospital-ah 1,435 leh Rapid Antigen Test hmangin district hrang hrangah 3,959 a ni.

Covid-19 vei hmuh chhuahna hmasa ber Guwahati Medical College-ah pakhat hmuh chhuah a ni a, Zoram Medical College-ah 596, Lunglei Civil Hospital-ah 61 leh Rapid Antigen Test hmangin mi 137 hmuh chhuah a ni tawh bawk. Hetih lai hian, Mizoram luhka hrang hranga screening point-ah mi 1,53,559 enfiah (screen) tawh an ni.