Zirlai exam turte ngaihthahah NSUI-in state sorkar an puh
National Students' Union of India (NSUI) chuan, August 16, Pathiannia sorkar hotute ṭhukhawm thutlukna angin Aizawlah total lockdown puan a nih thu an tarlang a, "Meeting-ah zirlai exam turte chungchang ngaihtuah tel a nih loh vang leh a kaihhnawih department-te an beráwn lo a, chumi vanga zirlaite an exam thei lo leh khawpui páwna zirlaite'n exam an boycott hial a ngai hi a pawi hle a ni," an ti.
NSUI, Mizoram chuan, hripui léng vanga zirlaite exam kher loa kaitir mai tura state ṭhenkhatin ruahmanna an siam chungchang chu an zir chiang tih sawiin, "Exam loa zirlai pass tirte hi UGC chuan an degree a pawm dawn loh avangin, MZU hnuaia zirlaite hi an exam ngei a, kum/semester an hloh loh hi kan duh tak zet," an ti a; chuvang chuan, nimin khan MZU Controller of Examination hnenah online/offline/blended mode-a a theih ang angin zirlaite exam tir tura hma la turin an ngen tih an tarlang. Zirlai exam turte hmakhua ngai chunga rorelna mumal tak siam ṭhin turin thuneitute a ngen tih NSUI chuan an sawi bawk.