Rualbanlote Ni hman a ni

SCERT leh National Institute for Locomotor Disabilities (NILD) buatsaihin nimin khan SCERT Auditorium-ah International Day for Persons with Disabilities (Rualbanlote Ni) hman a ni a, person with disabilities (PwD) commissioner Vanlaldiki'n a hmanpui.

Rualbanlote Ni hmannaah hian rualbanlo aiawh pawlte leh rualbanlote enkawlte sikul hrang hrangte an tel a; Shining Star School, Redeem Garden School, Ephatha Special School, Special Blind School, Differently Abled Society leh Mizoram Blind Society-a awmte'n zai leh làm hmuhnawm tak tak an entir a ni.

PwD Commissioner chuan, rualbanlote dikna humhalh leh an theihna hai chhuahsak zel a pawimawh thu a sawi a, "Sorkar hnain a daih dawn loh avangin private sector-a thawk turin rualbanlote buatsaih zel a ṭul," a ti.

Rualbanlote'n kawng hrang hrangah hma an sawn tih sawiin Vanlaldiki chuan, "Nuihza siam nan leh fiamthu thawh nana hmang an awm a nih chuan PwD Commissioner hnenah hriattir heih a ni a, rang taka hmalak a ni ang," a ti a; danin a humhalh tlat avangin ruaibanlote chu him leh hlim taka nun an hman a pawimawh thu a sawi.

NILD hian rualbanlote tan hmalakna eng emaw zat an kalpui a, rualbanlote mamawh hrang hrang an sem chhuak ṭhin a ni.