Mizoram HSS Games ṭan a ni

Mizoram Higher Secondary School Games vawi 20-na chu nimin khan Aizawla hmun hrang hrangah ṭan a ni a, December 8, 2023 (Zirtawpni) thleng a awh dawn.

Mizoram HSS Games-ah hian infiamna chi hrang hrang - athletics (mipa & hmeichhia), badminton (mipa & hmeichhia), basketball (mipa), football (mipa), table tennis (mipa & hmeichhia) leh volleyball (mipa & hmeichhia)-ahte zirlaite an inel dawn a; district 11 aṭangin zirlai leh zirtirtu 1,000 vel an tel.

Intihsiakna hi hmun hrang hrangah kalpui a ni a; Rajiv Gandhi Stadium leh 3rd MAP Ground-ah athletics, Bethlehem Veng Indoor Stadium-ah badminton, Armed Veng Community Centre-ah basketball, 1st MAP Ground leh 3rd MAP Ground-ah football, MTTA Hall, Mission Vengah table tennis leh, College Veng Field-ah volleyball khelh a ni.