Governor-ah election document hlân
Mizoram chief electoral officer (CEO) Madhup Vyas chuan nimin tlai khan Governor Dr Hari Babu Kambhambati hnenah Election Commission of India (ECI) aiawhin ECI tihchhuah 'Due-Constitution Notification' a hlân.
Due-Constitution Notification hi Mizoram Legislative Assembly General Election 2023-a thlan tlin te, thlan tlin an nihna constituency leh an chuhna political party-te tarlanna a ni.
Governor chuan, boruak muanawm tak hnuaia Mizoram Legislative Assembly inthlanpui felfai taka zawh a ni te, dan leh thupekte ṭha taka kenkawha zawm a nite chu lawmawm a tih thu a sawi a, "Inthlanna neih zawh tâk kha state dangte tana entawn tlaka mawi leh hmuh nuam a ni a, chhawm nun zel a pawimawh," a ti.
Dr Hari Babu Kambhambati chuan, hlawhtling taka inthlanna buatsaih a nih theihna tura hma latu leh thawktu CEO leh a thawhpuite bakah, inthlan kaihhnawiha theihtawp chhuahtute thawhrimna fakawm a tih thu a sawi bawk.