Chhamb Battle Honour Day hmang

Ex-Fighting Fifth Asso-ciation (EFFA), Mizoram chuan nimin khan ZTS Picnic Spot-ah Chhamb Battle Honour Day vawi 52-na an hmang a, MJA presi-dent C Lalrambuatsaiha khuallian a ni a, Sainik Welfare and Resettlement director Lt.Cdr. Surg. Lalnuntluanga'n a hmanpui bawk.

C Lalrambuatsaiha chuan, ṭhalaite tan sipaia ṭan a ṭhat em em laiin, Mizo sipai officer an la tam tâwk lo tih a sawi a, "Sipai officer-a luh theihna tura hma latu pawimawh tak, Mizorama Sainik School tihchangtlun zel a pawimawh a, hei bakah hian Nagaland-in anmahni puala regiment an neih angin Mizo regiment neih ve vat a ṭul," a ti.

5th Assam Regiment aṭanga pension chhuakte intélkhawm EFFA-te hian 5th Assam Regiment-in kum 1971-a India leh Pakistan indonaa Chhamb hmuna an chêt ṭhat vanga Honour of Battle an hmuh hriatrengna hi kum tin December 5-ah an hmang ṭhin.

Nimina Chhamb Battle Honour Day an hmannaah hian kum 1971 indonaa sipai 24 thite leh kumina an member thi Zokaichhunga sunna leh hriatrengna hun an hmang a ni.