Excise & Narcotics

Excise & Narcotics minister Dr K Beichhua chuan nimin khan Rangvamuala Excise & Narcotics outpost a tlawh. Dr K Beichhua chuan, END-a thawktute chu thâ thlah loa thawk zel tura fuihin, "The Mizoram (Liquor Prohibition) Act, 2019 kenkawh kawngah theihtawp chhuah a ni," a ti. Excise Minister hi MLA C Lalmuanpuia leh END commissioner Ngurchungnunga Sailo ten an ṭawiawm a ni. Hetihlai hian END hian May 22-28, 2020 chhungin rakzu litre 4,341, zu bilh lai ṭîn 19,056, bél 334, dawidim kg. 12 an man a; zu kaihhnawihah mi 53 an man bakah, zu siamna hmun 99 an tichhe bawk.