Millionaire Farmer of India Award 2023 Mizoram aṭangin mi pali-in an dawng

Nimin khan Pusa Ground, New Delhi-ah Millionaire Farmer of India Award 2023 sem a ni a, Mizo aṭangin kut hnathawktu mi paliin an dawng.

Mizoram aṭanga Millionaire Farmer of India Award 2023 dawngtute chu - KB Sangkhuma, Rabung, M Hrangmawia, Siata, Siaha district, VL Remruatpuia, Dárlâk, Mamit district leh Vanlalfela, North Vanlaiphai te an ni a; Mizoram KVK-ten nomination an siam aṭanga thlan an ni.

KB Sangkhuma, Rabung hian sawhthing, fú leh silk pangang khawiahte hma a la a, kum 2023 hian sawhthing quintal 70 chingin, qtl. 400-500 vel a thar beisei a ni a, a hmalaknate avangin award a dawng. M Hrangmawia, Siata hian sial, bawng, vawk, kèl, beram leh ar a vulh a, sial (a no nen) 250 vel a nei mek a, sangha dil lian panga a nei bawk.

Darlak khaw pa VL Remruatpuia hian MBA a zawh hnuah bawng vulh leh sangha khawiahte hma a la a, eng emaw zat a thar tawh bawk a, a hmalaknate avangin award a dawng. Serchhip district aṭanga award dawngtu Vanlalfela chuan sunhlu, kawng chi hrang hranga a sâwngbàwlna aṭangin award hi a dawng thung a; tunah hian sunhlu candy, sunhlu powder, sunhlu den leh sunhlu oil-te siam chhuakin eizawn nan a hmang mek a ni.