Champhaia ELC din tur sawiho

Champhai DC James Lalrinchhana kaihhruaiin nimin khan DC conference hall-ah Experiential Learning Centre (ELC) Management Committee an ṭhukhawm a; Mizorama ELC din hmasak ber tur chungchang an sawiho.

Sorkar thuchhuah tarlan danin, Champhaia dion tur ELC hi Ministry of Information & Broadcasting aṭanga hmuh cheng nuai 100 sénga Champhai New Market (CHANEM) chhawng hnihnaah siam tur a ni a, Mizorama ELC hmasa ber tur a ni. Centre enkawl zuina, khawl siamṭhat leh thawktute hlawh chu amaha intum thei tura beisei a ni a; cheng nuai 50 dawn tawh niin, January 2024-ah hawn hman beisei a ni.

ELC Management Committee Chairman chuan, ECL-in a tum ber chu naupangte leh ṭhalaite tana technology thar hrang hrang an inzir theihna tur hmun ruahman a, hmanraw hrang hrang chhawpsak a nih thu a sawi a, "ELC-ah hian augmented reality, virtual reality leh metaverse khawl hrang hrangte dah a ni dawn," tiin, Champhai district-a zirna tihmasawntu a nih ngei a beisei thu a sawi.