Ngopa Road Safety Week ṭan

Zoram Driver’s Union, Ngopa Sub-Headquarters chuan nimin khan Ngopa kawtchhuahah Road Safety Week vawi 42-na an hmang a, Ngopa SDO (Civil) H Lalramliana'n a hmanpui.

H Lalramliana chuan, India ramah kawngpuia chetsualna (road accident) vangin minute thum dan zelah mi pakhat thi zel ang a nih thu a sawi a, "Mizoramah kum 2022 chhung khan accident vawi 133 a thleng a, chu'ng zinga mitthi 57-te chu tlân chak luat vang a ni. Rûi chunga lirthei khalh vangin mi 13-in nunna an chán a, thihna thleng tam tak hi fimkhur avanga pumpelh theih a nih a rinawm," a ti a; lirthei khalhtute chu hawihhâwm tur leh an kutah mi nunna a innghat tih hriaa fimkhur reng turin a chah.