Viksit Bharat Sankalp Yatra sawiho

Nimin khan Serchhip DC David Lalthantluanga hoin a pisaah sorkar laipui aṭanga ruahmanna thar, Viksit Bharat Sankalp Yatra chungchang sawiho a ni a; December 14, 2023-ah kalpui ṭan tur a nih thu tarlan a ni.

Serchhip DC chuan, Viksit Bharat Sankalp Yatra chu sorkar laipuiin scheme hrang hrang a duante mipuiin zau zawka an hriat theihna tura awareness campaign programme a nih thu a sawi a, "November 15, 2023 khan Prime Minister-in a hawng a, state level-ah December 14, 2023 aṭanga kalpui ṭan tur a ni," a ti.

Viksit Bharat Sankalp Yatra hian January 26, 2024 thleng a awh dawn a; Yatra hnuaia hmalakna tur IEC van-in Serchhip district-a khaw tina a tlawh kual dan tur ruahman a ni.