MPCC-in sorkar duhsakna an hlan

Mizoram Pradesh Congress Committee (MPCC) chuan thuchhuah siamin, ZPM kaihhruai Mizoram sorkar thar lak luh a ni ta chu lawmawm an tih thu an tarlang a, duhsakna an hlan.

MPCC chuan, "Mizoram mipuiin rinna nghata ram rorel tura an thlan ZPM sorkar thar tluang taka lak luh a ni ta hi Congress party chuan lawmawm a ti a. ZPM sorkar thar lo pianga minister-te leh MLA-te kan lawmpuiin duhsakna kan hlan a, an mawhphurhna leh ram rawngbawlna an koa tlate an tihhlawhtlin theih nan duhsakna kan hlan a ni," an ti.

ZPM sorkarin ram tana an intiamnate an tihhlawhtlin ngei beiseiin Mizoram mipuiin an thlir reng dawn tih sawiin MPCC chuan, "Ram rawngbawlna ṭha taka an hlen theihna tura a ṭul ang zela thláwp a, khalh turin Congress party chuan theihtawpin hma a la dawn a ni," an ti bawk.