Naktukah Assembly session nei dawn

Mizoram Legislative Assembly pakuana session hmasa ber tur chu naktuk aṭangin neih a ni dawn a, ni thum chhung a awh ang.

Assembly session hi chawhma dar 10:30-ah ṭan a ni dawn a, a ṭan ní-ah hian protem speaker Lalfamkima'n MLA atana thlan tharte thu tiamtirin Assembly member atan a la lut ang a, chumi hnuah speaker tur thlan a ni ang. Speaker chuh tumte tan vawiin tlai thleng hming pek luh theih a ni.

Nilainiah Governor Dr Hari Babu Kambhampati-a'n House-ah thu a sawi dawn a, thu a sawi zawhah a thusawia lawmthu sawina motion put luh a ni ang a, chumi hnuah Governor hoin MLA-te'n thla an la ang.

December 14, Ninganiah MLA leh minister hlui Lalbiakzuala sûnna hun hman a ni dawn a, chumi zawhah deputy speaker thlan a ni ang. Deputy speaker thlan zawhah Governor thusawiah lawmthu sawina motion sawiho tur a ni.