SA-in Territorial Council an hmang

Salvation Army India Eastern Territory chuan December 8-10, 2023 chhung khan Ebenezer Corps, Venghnuaiah Territorial Council vawi 8-na an hmang a, thu chi hrang hrang an ngaihtuah.

December 8-9, 2023 chhung khan rorel a ni a, territorial commander Col. Lalhmingliana'n a kaihruai. An rorel zingah councelling center siam, Holy Land (Sawleng)-a tihchangtlunna tura Holy Land Development Board din, ZMC bula damlo harsa zual thlenna tur khualbuk siam, zirna-in leh home tihchangtlun dan tur chungchangte a tel.

SA Territorial Council-ah hian Inrinni zan aṭanga nizan thleng khan vangtlang inkhawm neih a ni.