Defence road sialna tur enfiah

Central Young Lai Association (CYLA) hruaitute leh 74 BRTF RCC hotute chuan tun hnai khan India Defence Road sialna tur hmunhma an tlawh a; Pangkhua leh a chhehvela mihring chenna in leh ramte tichhe lo thei ang bera kawngpui hi sial a nih theih dan tur ruahmanna an siam nghal.

CYLA hruaitute leh BRTF 74 RCC hotute hian India Defence Road sialna tur, Saisihchhuah leh a chhehvela kawngpuiin a tan tlang tur khua leh hmunhmate an enho. Central YLA hruaitute hi vice president F Lalrothanga’n hoin, BRTF 74 RCC hotu te, Pangkhua Village Council leh YLA hruaitute nen Indo-Myanmar Defence Road sialna tura ruahman Saisihchhuah leh a chhehvel bakah, Pangkhua hmunhmate an enfiah bawk.

Pangkhua leh a chhehvela mihring chenna in leh ramte tichhe lo thei ang bera kawngpui hi sial a nih theih dan tur a hmunah enfiahin, ruahmanna siam a ni a; CYLA hruaitute hian Tuichhak tlangdunga YLA branch leh sub-hqrs-te an tlawh nghal a, an mamawhte hlanin Sangau leh a chhehvela raltlan awmte hnenah mutbu ṭhahnem tak an hlan bawk.