2015-16-ah MGNREGA hnuaiah Ni 72 inhlawhna siam theih beisei

Rural Development minister R Lalzirliana chuan, MNF member Lal-rinawma zawhna chhangin, sorkar kum kal mek, 2015-16 chhungin MGNREGA hnuaiah chawhrualin ni 35 inhlawhna siam a nih tawh thu House a hrilh a, "Ni 72 inhlawhna siam theih kan beisei," a ti.

Minister chuan, MGNREGA atan hian cheng nuai 15,277.464 hmuh tawh aṭangin ni 35 inhlawhna siam a nih tawh thu sawiin, "Hemi hnu hian sorkar laipui
aṭangin cheng vbc. 129.99 hmuh belh leh a ni a, ni 72 inhlawhna siam theih kan beisei," a ti a; sum hmuh tawh aṭang hian material component-ah cheng nuai 2263.55 leh labour component-ah nuai 11,601.49 hman a nih thu a sawi.