Zonuamah motor pali hâl a ni

Thawhlehni zan zanlai pelh hnu khan, Zonuam Vengah car pakhat leh two wheeler pathum hâl a ni a, a hâltute zawn mek niin, he thu ziah lai thleng hian man an la nei lo.

Zonuam khawtlang hruaitute aṭanga thu dawn danin, Thawhlehni zan dar 1 velah Zonuama RL Laldawngliana in kawta motor dah khawm chu a kâng a, hâl nia hriat a ni. Motor kângte chu, RL Laldawngliana i10 car, bike pahnih leh scooty pakhat a ni.

Lirthei kângte hi a kang chhe viau hlawm a; motor an riah khawmna hmun a nih vangin
motor dang awm ve parukte chu a kan kâi hmain
ṭhenawm khawvengte'n an veng hman a ni.

He thil thlengah hian bike neitu pakhat Rodinliana'n Zo-nuam police outpost-ah FIR a thehlut a, police-te'n chhui zui nghalin, he thu ziah lai thleng hi chuan rinhlelh man an la nei lo.