Hnam thil humhalh dan tur sawiho

Directorate of Science & Technology chuan, ni-min khan Planning de--part-ment conference hall-ah 'Protection of Mizo Indigenous Goods under Geographical Indica-tion Registration’ tih thupui zirhona an buatsaih a, Planning (Science & Tech-no--logy) secretary Dr C Vanlal--ramsanga'n a hawng.

Dr C. Vanlalramsanga chuan, sorkarin Mizo hnam thilte humhalh a ngai pawimawh tih sawiin, "Tunlai khawvel ṭhang chak tak karah hnam hrang hrangte kan intlawhpawh chak a, media lamah kan ṭhang nasa em em a, hnam anga kan thil neihte venhimna lamah hma kan lak chak a ṭul hle a ni," a ti a; Mizo hnam thil hrang hrangte venhimna tur chi khat ‘Intellectual Property Rights’ pawh mumal taka enkawltu tur bik sorkarin a siam thu a sawi.

Zirhonaah hian sorkar department ṭhenkhatte bakah tlawmngai pawl aiawhte an tel a; resource person-te chu - patent In-formation Centre-a pro-ject scientist Benjamin Van-lalruata, Art & Cul-ture director hlui Boi-chhingpuii leh, patent Information Centre-a scientific officer Samuel Lalmalsawma te an ni.