Kawnpui-Aizawl via Sairang siam hna Thawh zawh hun tur ṭum 7 pawtsei tawh

PWD changtu, chief minister Lal Thanhawla chuan MNF mem-ber Lalruatkima zawhna chhangin, NH-54 Kawnpui-Aizawl via Sairang chu hna thawh zawh hun tur ṭum sarih pawhsei a nih tawh thu House a hrilh.

Lal Thanhawla tarlan danin, Kawnpui-Aizawl via Sairang kawng siam hna hi ABCI Infras-truc-ture Pvt. Ltd.-in an thawk a; tender amount chu cheng vbc. 49.93 niin, agree-
ment amount chu vbc. 53.94 a ni.

July 23, 2009-ah hna thawh
ṭan a ni a, July 22, 2011-a zawh tura ruahman a ni. Hna thawh hun hi vawi sarih pawhsei a ni tawh a, November 1, 2015 thleng pawhsei a ni.

Sum ruahman (estimate) vawi khat ennawn (revise) a ni tawh a, cheng vbc. 94.175-a revise a ni. A vawi hnihna atan revise leh a ni a, estimate chu Ministry of Road Transport & Highway-ah thawn leh mek niin, revise na zat chu cheng vbc. 102.28 a ni.

Chief Minister chuan, a hun taka hna thawh zawh a nih loh chhan sawiin, "Hna pek a nih laiin zangnadawmna tur sanction a la awm lo a, sanction awm hnuah pawh December 2009-ah Kolasib DC-ah chegue pek hman a nih chauh avangin hna hi a hun takah
ṭan theih a ni lo," a ti.

Zangnadawmnate pek fel a nih hnua hna ṭan a nihin, contractor item-ah lung hâl ngai pakhatmah a tel loh avangin contractor-te'n hna thawh harsa an tih thu sawiin Lal Thanhawla chuan, "PWD lamte'n heng hi chu revised estimate-ah kan siam ang a, kan telh mai ang, tiin hna an thawh luihtir hram hram a ni," a ti a; chu chuan hna nasa taka a tihmuan thu a sawi.