Nationalism-ah MNF leh ZNP kan dang lo - Tawnluia

MNF senior vice pre-sident Tawnluia chuan, MNF leh ZNP chu Mizo nationalism chungchangah an dang lo tih sawiin, hruaitu nihna vang chauha awm hrang an nih thu a sawi.

March 29, 2016-a Melriat V/C House-a inkhawmah thu sawiin Tawnluia chuan, "ZNP leh MNF-te hi leadership avang maia awm hrang kan ni a, nationalism-ah kan dang lo. Chuvangin, hmun hrana inbáwk hrang loin, Mizo Hnam Rûn hi kan lâwi khawmna tur a ni," a ti.

Tawnluia chuan, MNF chu Pathianin Mizo hnam hma hruai turin hman
aṭangin a hruai tawh ṭhin tih sawiin, "Tunah pawh hian nasa takin Zoram hmun hrang hrangah hma kan sawn mek a ni," a ti a; tun hnaia Aizawla AMC leh local council inthlanah state sorkara rorel lai Congress party-in MNF party an ngam lo niin a sawi.

MNF thuchhuah chuan, Melriata party inkhawmah hian Aizawl South-III khaw hrang hrang aṭangin voter 90-te MNF-ah lawm luh an nih thu a tarlang.