Mizoramah lirthei 1,52,486 a awm

31st March, 2016

Nimin Assembly session-a Transport Minister aiawha zawhna chhangtu minister PC Lalthanliana chuan, MNF member Dr. K Bei-chhua zawhna chhangin, kum 2014-2015 record ang chuan Mizoramah lirthei 1,52,486 a awm thu House a hrilh.

PC Lalthanliana tarlan danin, Mizorama lirthei 1,52,486 zinga 1,46,708 chu mimal lirthei a ni a, 4,778 chu sorkar lirthei a ni. State Transport Authority (STA) chhinchhiah dan chuan, Aizawl khawpuiah taxi 3,525 an awm.

MPC member Lal-than-liana zawhna chhangin PC Lalthanliana chuan, Aizawl khawpui tana taxi fare sor-karin a siam bawhchhia an awm chuan Transport director hnenah zualko tur a nih thu House a hrilh.

PC Lalthanliana tarlan danin, taxi rate hmang dik lote chu Motor Vehicles Act, 1988 Section 179 hmanga hrem theih a ni a, Rs. 500 thleng chawitir theih a ni.