Champhaiah Myanmar cigarette Rs. 34,050 man hu an man

Champhai District Anti Tobacco Squad-te chuan, nimin khan Champhai khawpuiah squad drive an nei a, COTPA bawhchhia an awm leh awm loh an enfiah. Squad drive-ah hian Myanmar aṭanga dan loa meizial chi hrang hrang - Valiant, Farstar, Hummer, Winbody, Classic, etc. lak luhte an enfiah a ni.

Nimina squad drive-ah hian COTPA Section 5 leh 7 bawhchhia Myanmar aṭanga lak luh cigarette Rs. 34,050 man hû an mansak a ni.

Champhai ATS-te chuan, tunlai hian foreign cigarette ṭhenkhat, a bikin Farstar leh Valiant brand name leh trademark chuanna t-shirt hmuh tur a awm nual a, chungte chu cigarette zuar chhawngtute leh mi ṭhenkhat hnenah a thlawna sem ṭhin a nih thu an sawi a, "Hetianga vaihlo aṭanga siam chhuah hming (brand name) leh trademark chuanna t-shirt sem darh hi vaihlo fakmawina leh tihlârna chi khat a ni a, COTPA 2003 Section 5 bawhchhiatna lian tak a ni," an ti.