Kuhva vbc. 9.73 hú man tawh

Mizoram Police chuan kumin 2023-ah November 30 thleng khan Myanmar aṭanga dan loa lak luh kuhva rah cheng vbc. 9.73 hû an man tawh.

Vanglaini thu dawn danin, Mizoram Police hian kumin chhungin kuhva rah ip 8,800.5 leh kg. 34,740 an man tawh a, chu chu cheng vbc. 9.73 hûa chhût a ni.

Kuhva rah kaih­hnawihah hian thubuai 19 ziah luh a ni tawh a, mi 118 man an ni tawh. Kuhva rah mante chu Custom department hnenah hlan ṭhin a ni.