Poetry Festival lawmman hlan

State Council of Educational Research and Training (SCERT) chuan nimin khan an directorate auditorium-ah Poetry Festival intihsiaka ti ṭhate leh Proficiency Award in English dawngtute hnenah lawmman an hlan a, School Education deputy secretary R Lalbiakzuala'n a hmanpui.

Poetry Festival hi higher secondary school zirlaite tan kum 2011 aṭangin buatsaih ṭhin a ni a; kuminah chuan December 11-12 khan buatsaih a ni. Proficiency Award in English hi kum 2011 aṭanga kumin thlengin zirlai 369 hnenah hlan a ni tawh.

Poetry Festival-ah hian On the Spot Poetry Writing Competition-a pakhatna Hunropuii, St. Joseph HSS, pahnihna K Vanlalrohluna, Dawrpui School of Science and Technology leh pathumna Lalchawimawia, St. Joseph HSS-te hnenah lawmman pawisa, thuchei leh nomawi hlan a ni. HSLC leh HSSLC-a English subject-a ti ṭha zirlai 33 hnenah Proficiency Award in English hlan a ni bawk.