Golden Globe-in 2024 nomination a puang : 'Barbie' leh 'Succession' in nomination 9 hmu

81st annual Golden Globe Awards nominee-te chu Thawhṭanni khan puan a ni a, rin lawk ang ngeiin kumina thawm nei ring tak,'Barbeinheimer' an langsar. 'Barbie' chuan nomination pakua hmuin, a elpui 'Oppenheimer' chuan nomination pariat a hmu. TV category lamah 'Succession' final season pawhin nomination pakua a hmu bawk a ni.

Cedric 'The Entertainer' leh Wilmer Valderrama-te'n film leh television lama chawimawina dawng thei tur, category 27-a nomination hi an puang a ni.

2024 Golden Globe Awards ceremony hi January 7 hian neih a ni dawn a, inremna an siam thar angin CBS-ah live-a pek chhuah ani ang. Hei bakah hian Paramount+ leh CBS app-ah stream theih a ni dawn bawk.