ASHA-te'n thla 5 lawmman an la lo; an lawmman tur pek chhuah a ni

National Health Mission (NHM) hnuaia accredited social health activist (ASHA)-te chuan thla chhung lawmman an dawng tawh lo a, nimin khan an hlawh tur Treasury aṭanga pêk chhuak a ni a, NHM sum tur tam tham tak pek chhuah a ni bawk.

NHM mission director Dr Eric Zomawia chuan Vanglaini zawhna chhangin, sum awm loh vangin ASHA-te'n kumin July thla aṭangin lawmman an dawng thei tawh lo tih a sawi a; ASHA lawmman tur sum Finance department aṭanga nimina an dawn chu pek nghal tur a nih thu a sawi bawk.

Mizoram sorkara Finance department chuan nimin vêk khan NHM sum cheng vbc. 24.47 a pe chhuak. NHM sum hi hun eng emaw ti chhung Finance department-ah a táng a, sorkar thar a din hnuah NHM hotute'n sorkar hotute hnenah an thlen a, Finance changtu chief minister Lalduhoma leh Health minister Lalrinpuii te hmalaknain Finance department-in nimin khan a pe chhuak ta a ni.